李總話，佢幫錳銅「重整旗鼓」嘅方法主要分為三步；首先就係要將黑色的士嘅車身變輕，咁就可以減少耗油量，同減少排放；之後就係用一種來自富豪汽車嘅先進油混技術，令黑色的士喺保持原有功能嘅同時，達到超低排放；最後就係希望將黑色的士完全電動化，做到零排放。以五年投資計，大概就要一億英鎊。
李書福望駛遍全球
花名「汽車狂人」嘅李書福，野心當然唔會局限於倫敦市場，而係希望黑色的士可以為全球市場提供服務！事實上，畀吉汽收購之後，錳銅嘅生意已經立刻有起色，除咗上星期已恢復喺倫敦賣車，更加已經接到分別嚟自沙特阿拉伯同埋澳洲各二百架嘅訂單。