物流金融數據瓣瓣有
佢哋做呢個轉變，係為咗降低對傳統電器業務嘅依賴，公司副董事長孫為民就話，公司將會喺一五年底前，投資220億人民幣於物流服務，希望擴大電子商務業務，同增加產品種類，包括加入美容化妝品同嬰幼兒用品；蘇寧仲希望擴大服務範圍，提供埋消費金融、售後服務、數據服務，同開發應用程式等，亦都正在申請移動牌照，向無線營運商租用頻譜。
公司因為業務轉變而要改名嘅例子其實都有好多，當中最出名一定係蘋果公司，喺○七年iPhone即將推出之際，就將公司名入面嘅「電腦」移除，以顯示公司除咗電腦外，仲有好多產品賣。
余詩韻