中國經歷近幾十年嘅經濟起飛奇迹之後，成個環境的確有好大變化，特別係營商方面，對於呢樣嘢，喺上面設廠嘅香港廠家一定感受最深！絲絲早排同喺內地做生意接近20年嘅理文造紙（02314）行政總裁李文俊（Raymond）講開呢樣嘢，佢果然一講就停唔到口！
Raymond話，以前內地嘅營商環境真係好複雜，法制唔完善，官員又貪污，搞到好多香港商人都怕怕，驚會畀人蝦又投訴無門，搞到唔敢上去做生意。佢仲舉例話，以前如果做完生意畀人走數，真係要去搶先搶到嚟o架！
不過，Raymond話依家上面個環境已經好咗好多，例如官員廉潔咗，法制又完善咗，唔使話靠搶，就連搞到好多老闆都好頭痛嘅工資上升問題，佢都話其實係好事，因為佢覺得，雖然成本係高咗，不過工資上升，即係成個社會財富多咗，生意上機會亦都相對多咗，所以其實係一件好事！
余詩韻