聽帝盛酒店集團總裁邱詠筠講，舊年香港旅遊業暢旺，正面帶動酒店業，所以公司都同員工共享成果。絲絲睇嚟帝盛應該賺唔少，先可以豪派bonus，今年第三季仲會喺荃灣開多間酒店，咁可能出年仲和味添呀！
至於其他酒店，絲絲知道麗思卡爾頓酒店（The Ritz-Carlton Hong Kong），就分咗3個月花紅畀全公司員工，同往年一樣。
業界平均發3.7個月
至於新地（00016）旗下嘅四間酒店（帝苑、帝京、帝都同帝景）仲犀利，平均有3.75個月bonus！絲絲之前睇過一啲業界嘅統計資料，原來本港酒店平均派發3.7個月薪金花紅，睇嚟呢一行都唔錯喎。
余詩韻