董事全男班要解畫
港交所喺今年九月就會實施上市公司董事多元化，希望更多女士出任董事，到時上市公司如果唔能夠遵守規定就需要解釋。睇番港交所本身個董事局，自從史美倫離任港交所董事後，港交所董事局就冇女士出任董事。常言道「以身作則」，作為上市公司「模範」嘅港交所，今次喺夏佳理離任後，政府會唔會委任女董事入局？大家真係要拭目以待喇！
三官委成員有望連任
講番今次港交所股東周年大會，除咗夏佳理外，原來仲有3名政府委任董事任期屆滿，包括許照中、利子厚同夏理遜。不過三人任期都未夠六年，按例仲可以連任。經紀選任董事方面，施德論同黃世雄今年亦任期到，按例可以再次選舉，唔知二人會唔會再選呢？
余詩韻