預約睇樓縮近三成

第一城成交料減半

每逢節日，樓市例靜，加上今年政府再次出口術壓市，市場觀望氣氛更濃。利嘉閣研究部估算，50個指標屋苑由今日至下周三的五天假期內，每日平均僅有1,070組客戶預約睇樓，其中上車客周睇樓意欲更挫4.1個百分點至24.3%。

按地區劃分，三大主要區域預約睇樓量全面報跌，新界區屋苑減幅最顯著，該區21個指標屋苑，假期平均每日僅445客戶預約睇樓，按周大跌29.4%，天水圍嘉湖山莊預約睇樓量跌47%，沙田第一城及元朗YOHO Town同跌43%。

該行何家健指出，沙田第一城賣盤短缺，加上新春期間客戶不願睇樓，故料屋苑本月成交將大減一半至約50宗。

至於港島區9個與九龍區20個指標屋苑，期內預約睇樓量則跌28%與23.7%，鰂魚涌預約睇樓量跌五成。該行黃龍智表示，近日政府出口術壓市，有買家預期壓市後有筍盤可「執」，故暫時按兵不動觀望市況，預期未來數日屋苑只有零星成交。