絲絲講場：陳少平講戲不離本行
外匯市場嘅刺激性，絕不低於股票市場，唔夠膽博嘅，好難做到成績，中國銀行（香港）總經理及投資主管陳少平（Chordio）係行內前輩，佢形容舊時交易員賭性好強，由天氣、球賽、八卦新聞到電影票房都可以賭一餐，雖然佢唔好賭，但都即席同絲絲開咗個賭盤！
坊間有兩套好熱門嘅電影，Chordio就同絲絲打賭佢哋嘅票房，一個睇好一個睇淡，長倉對短倉，邊個贏要過埋農曆新年嘅檔期至知喇！正所謂小賭怡情，所以我哋嘅賭注都只係一百蚊。
交易員壓力大EQ要高
其實做外匯係一門好刺激嘅行業，Chordio話香港時間下午4時至11時為全球匯市最旺嘅時段，若碰上公布重要數據嘅日子，交易員更加會逗留至晚上兩、三點左右。
講番以前外匯交投奇高嘅大時代，佢話少一啲EQ都唔掂，嗰個年代嘅交易員反應尤要快同冷靜，面對嘅壓力很大，亦容易沾上惡習。當然Chordio唔係好賭，今次只係同絲絲鬥吓眼光！