絲絲講場：恒生金條財神上身

豪客上年一掃廿條

好似佢哋舊年出嘅「恒生千足金條」金龍款式為例，有個客一炮過買咗超過廿條、值成350萬港紙，加埋其他客戶，真係唔夠分。

唔知係咪舊年賣嘅金龍金條太受歡迎，蛇年食住上，所以今年一於食過翻尋味推出新一批「恒生財神千足金條」，攞佢財源滾滾嘅意頭咁話喎。

含金量高 包裝有氣派

馮孝忠仲影咗張同值億幾嘅金條合照嘅「晒冷相」，真係好「燦眼」！

據講今次財神金條嘅純金含量達到99.99%，分咗精緻版同珍藏版，分別盛惠四萬三同十三萬三千蚊，相當豐儉由人。而每條金條都經過澳洲珀斯鑄幣局嘅匠心獨運鑄造，並且裝喺獨立密封嘅包裝入面，包裝上仲印咗獨一無二嘅序號，無論送禮定收藏都夠晒派頭。

由於啲金條咁珍貴，所以唔係間間分行都有得賣，只係喺指定嘅13間分行同4間優越理財中心至買到，睇嚟有興趣嘅巴打同絲打，今朝要早啲排隊至得喇！

余詩韻