前晚德國總理默克爾派定心丸，力保歐元區穩定，刺激歐元及歐股反彈，道指亦回升99點，收復大部分周一失地，港股昨日跟外圍反彈，可惜力度顯然不足，恒指最多升207點，收市前升幅亦收窄，收報23,256點，上升108點，與周二重挫536點比較，僅追補跌幅的20.1%。
國指走勢相對更為疲弱，升35點收報11,849點，但已十分接近即市低位11,837點，以及今浪10,190至12,354點升浪的0.236反彈支持11,843點，一旦確認跌穿後，有可能要進一步下試0.382升幅回吐支持11,527點。
二月期指昨日高開166點見23,251點後，全日在高位徘徊，最高曾見23,383點，美中不足是好友未有嘗試回補前日留下，23,448至23,620點的下跌裂口，將會是好倉客短期上攻重要阻力，一日未收復，並企穩阻力樓上，超短線難言穩陣，仲係可升可跌格局。
期指成交，比前日少近3萬張至6.48萬張，經過急跌後，睇好睇淡的都需要時間醞釀下輪攻勢，全日加權平均成交價23,285點，高收市價39點，多少反映昨日唔少試博反彈的好友被綁收場。筆者損手在先，惟有一動不如一靜，多看兩日再作部署。
John Mullen