絲絲喺金融圈有不少「巴打」，其中一位係Fundman 陳惠仁（Ronald），佢係Chartwell Capital創辦人兼投資總監，繼三年前出咗本《尋找巴菲特的商業兵團——學習營商及人生之道》後，佢最近再出第二本書，叫《金錢王者——全球價值投資大師致勝之鑰》。
不過今次佢唔係訪問巴菲特，而係一共訪問咗十二位當今環球金融猛人，如「新興市場之父」麥博士（Mark Mobius）、「克服恐慌專家」丁玉龍、「華爾街教父首徒」歐文‧卡恩（Irving Kahn）以及「日本股神」安倍修平等等。
早兩日，絲絲同Ronald飲過下午茶，佢就話：「呢本書由約人、做訪問、寫稿、搞出版，足足用咗年半時間，最希望投資者喺讀完呢本書之後，可以真正體會到12位大師嘅價值投資真諦，唔好再執着投資輸贏。」