絲絲講場：AXA李秉熙 倒模出B女
AXA安盛首席醫療及僱員福利業務總監李秉熙（Benjamin）做咗「龍爸」，依家B女差唔多三個月大，除咗髮型之外，連對眼都同daddy一樣炯炯有神，真係成個餅印咁！
早排絲絲撞見Benjamin，佢好搞笑咁話，自己無jel頭，依家個髮型同B女一模一樣！絲絲唔信佢，B女係女仔嚟，點會似老竇個髮型，佢即刻攞張相出嚟對照一番，絲絲差啲以為係Benjamin嘅童年照呀！
髮型眼神一模一樣
B女另一個特徵，係戴眼鏡，其實係畀Benjamin個老婆整蠱，佢老婆用photoshop加咗副眼鏡畀B女，同老竇副眼鏡都好似，於是兩父女睇落真係有九成似，除咗個髮型一樣都係豎起晒，B女對眼仲電力十足，精靈到不得了，臉珠仔又可愛，真係想搣佢幾下！
新醫保最啱初生B
Benjamin話B女喺上年萬聖節出世，不過，佢自己呢幾個月特別忙，好少時間陪B女。無辦法，生仔床位費、奶粉、尿片、同埋第日嘅學費乜都貴，梗係要搏命搵錢啦，Benjamin想話幫B女買份醫療保單都無時間，絲絲知道AXA安盛推出咗一個新嘅醫療保單，出世咗14日就可以受保，啱晒佢喇！
余絲韻