用家搶贏鬍鬚余奪皇府山

二手盤源短缺，用家出價「勁過」投資者，昨推出拍賣的上水皇府山單位，經投資者、用家激搶37口價後，終由用家以約562萬元奪得，高開價約39.1%。另有首次到代理行的睇樓客更帶票睇樓，心想隨時入市，但最終在無盤睇下，兩小時後即轉購新盤。

忠誠昨推出19項物業拍賣，終售出兩項，其中皇府山6座低層D室，建築/實用面積937/719方呎，開價404萬元，由資深投資者「鬍鬚余」搶先承第一口價，其後再3至4度出價，但終由另一用家以562萬元奪得，較開價高約39.1%。

祥益袁思賢稱，屯門時代廣場E座中層8室，獲外區客即睇即以約253萬元購入，建築/實用呎價約6,951/9,301元，呎價創九七年後新高，約兩年半升值逾89%。

荃灣再錄高價。中原稱，荃德花園A座高層D室放盤兩日售272.8萬元，建築/實用呎價約6,389/9,505元創屋苑新高；另青衣藍澄灣2座高層D室售645萬元，創分層戶新高。

世紀21置業薈點陳振文稱，樓市轉旺，有首次查詢的睇樓客，原意以約350萬元購買牛池灣居屋新麗花園單位，但因未有單位可參觀，兩小時後即以約400餘萬元轉購元朗新盤尚悅單位。

另外，中原表示，東涌藍天海岸1座高層G室放盤三日即售443.8萬元，建築/實用呎價約8,069/11,123元創屋苑新高。東涌物業稱，同區映灣園12座中層C室售510萬元，兩房戶首逾500萬元。