可口可樂同埋See's Candies人所共知都係「股神」巴菲特嘅主要心水投資同業務，但可能佢依家都發現成日食糖同飲汽水唔係幾健康，於是就計劃今年喺佢嘅投資旗艦巴郡股東周年大會入面，加插一個趣味跑環節，仲話跑步同零食其實係最佳配搭喎！
絲絲睇尋日巴郡發表嘅聲明，知道佢哋計劃喺今年五月四日舉行股東會，而第二日會舉行一個全長五公里嘅趣味跑，並由巴菲特親自鳴槍主持起跑儀式，而呢場趣味跑係由巴郡旗下運動鞋生產商Brooks贊助嘅。
巴郡股東會一直以嚟都吸引到數以千計股神粉絲嚟「朝聖」，為嘅就係聽吓巴菲特分享佢嘅投資心得，仲有對經濟同埋企業管治等等嘅睇法。
過去巴菲特就喺會上提到佢投資喺可口可樂、See's Candies同埋Dairy Queen嘅雪糕業務，或者股神舊年七月曾經入過院「大修」，依家覺得推介得太多「零食股」，對身體唔係咁健康，呢次一於要啲粉絲一齊做吓運動balance吓咁喇！
余詩韻