自認既保守又愛冒險
大鴻輝興業主席梁紹鴻形容自己是一個既保守又愛冒險的人。他表示：「平日自己揸車好小心，時速最多都唔會超過50咪。」不過，投資理財上，他表示：「自己係冒險家，理念是人棄我取，所以在九七年樓市爆煲後幾年，積極大手掃舖，目前公司持有舖位數目已超過200個。」
揸快車「根本博唔過」
具多年金股匯及物業投資經驗的梁紹鴻坦言，自己一方面好保守，另一方面亦愛冒險。他指出，以自己揸車為例，一向不喜歡揸快車，時速都係在40至50咪左右，原因是超速駕駛實際可省回時間不多，萬一有意外，便無下次機會，「根本博唔過」。
九七年後大舉掃舖
他認為，博要博得有價值，就算最壞的情況，輸了可以再來，以投資理財為例，他指出，九七年後，舖位價值大跌，但以香港長遠穩定經濟基礎而言，只是短暫跌幅而已，所以在一九九七年後至二○○三年間大舉掃入大批舖位，現時舖位數目已逾200個，分布於全港各區，大部分價值已翻了幾倍，由於收租平均都有3厘，所以會繼續長線持有。