絲絲講場：郭守正回歸鴻海似接棒
身為全球最大電子代工企業揸弗人，好多人關心鴻海董事長郭台銘嘅接班人選，雖然佢講過要等依家得幾歲大嘅細女結婚先會退休，不過佢嗰位原本已經自立門戶、一向醉心文化創意業嘅大仔郭守正，近排突然以鴻海資訊園區三創數位科技董事長嘅身份，出席鴻海嘅公開活動，即時畀外界解讀為正式回歸鴻海，為將來接班做準備。
性格唔似老竇強悍
郭守正一向鍾情電影藝術同美學，同爸爸郭台銘商場悍將嘅性格好唔同，佢都一早講明自己對電子代工業毫無興趣，唔會返去鴻海接班，幾年前更加自立門戶，創立咗「山水公司」拍電影、投資「風賦公司」拍電視劇，產品包括大家都熟悉嘅《葉問2》同《貧民百萬富翁》。
雖然被問到接班問題嘅時間，郭守正話自己「唔敢諗」，現階段先把三創做好先再算。