絲絲平時得閒就好鍾意上網shopping，足不出戶就買到心頭好，真係好方便。不過網上購物好容易愈買愈多，有時連自己用咗幾多錢都無當回事！最近內地大型第三方支付平台「支付寶」就發布咗去年嘅個人年度帳單同全民年度帳單，等一班用戶可以查番自己嘅網絡消費情況。
除此之外，「支付寶」仲公布咗一項有趣嘅統計，利用星座作為分類，睇吓上年邊個星座最大花筒。原來鍾意享受物質生活嘅天蠍男去年用得最多錢，透過「支付寶」交易嘅人均網絡消費達14,206元人民幣，其次係愛面子嘅獅子男，上年人均消費達13,929元人民幣。
至於女仔方面，鍾意天馬行空嘅水瓶女原來都好鍾意買嘢，以人均消費達15,095元人民幣登上榜首。睇嚟絲絲以後要睇實水瓶座嘅姊妹，時時刻刻提醒佢哋唔好亂買嘢喇。