絲絲講場：中銀人壽蔡中虎「泰」識食

上次絲絲喺電車偶遇CF，大家可能以為今次絲絲一定係唔知喺邊又撞見佢，世界上邊有咁巧合呢？今次只係喺電話度同CF講幾句祝賀說話，希望CF繼續健健康康、開開心心咁帶領中銀人壽邁向另一個美好嘅五年！

百五蚊歎地道菜

CF就真係happy啦，事關佢趁住有假期就飛咗去曼谷，玩咗兩日，做吓SPA，行街shopping，仲捐窿捐罅食地道泰國菜，佢話兩個人試咗五、六道菜，埋單都只係六百銖，即係152蚊港元咋喎，真係有咁平！？

除咗試地道菜，仲去咗食意大利菜，CF話呢間餐廳食物質素有水準，啲侍應講英文非常流利，唔驚溝通唔到，哈哈，唔講你唔知，絲絲其實都識一兩句泰文o架！好似莎娃尼卡（泰文「你好」）咁解！

上apps撲蝶有優惠

有得食梗係好，不過，CF同絲絲都一樣，最怕就係搭車排大隊，CF話估唔到排隊買飛都「打蛇餅」，足足等咗十五分鐘先買到飛呀！

歎完SPA食完泰國菜，CF一返到香港就投入工作，中銀人壽早幾日就喺ibutterfly度整咗個apps，捉到蝴蝶，再去買保險，仲有限量的special offer，聽講，優惠陸續有來，絲絲無得去曼谷，惟有捉吓蝴蝶過吓癮啦！