以股代息 價賺半成
聯交所資料顯示，郭老太喺十二月十一日，以每股112.04元，場外買入超過2,402.1萬股新地，涉及股份總值26.91億元，持股增加到43.79%。後來新地公關部靚女就解釋，只係郭老太嘅持股全數以股代息。咁亦都證明郭家睇好新地前景。新地尋日收市報116.7元，比個收息價高咗近5%。
絲絲亦留意到，兩位新董事郭基煇同郭顥澧，即係兩位聯席主席郭炳江同郭炳聯嘅公子，喺七月以董事身份披露持股後，今次家族基金增持，連帶兩位公子名下持股亦有增加。雖然佢哋實際都係喺共同家族基金之內，不過郭家基金收咗咁多股，資產都升值唔少，可以講話係郭老太畀兩位孫仔嘅聖誕大禮。