絲絲講場：「大摩頭」為慈善獻唱
臨近聖誕節，四周圍都充滿住節日氣氛，尤其係各大小商場，更加係布滿咗各種聖誕裝飾，圓方亦都唔例外，不過呢度尋日除咗啲好靚嘅大型擺設之外，仲充滿咗歡欣嘅聖誕歌聲，令節日氣氛更加濃厚。
原來「摩根士丹利董事合唱團」一年一度嘅表演時間又到，今年已經係連續第十二年，一班ibanker頭頭放低平日緊張嘅面孔，圍起紅色頸巾，同一班小朋友，當中包括來自生命小戰士會同香港保護兒童協會嘅小朋友，有啲仲係班ibanker自己嘅仔女添！
公司內部籌得250萬
大摩除咗唱歌之外，原來仲做埋善事，過去一星期喺公司內部籌得超過250萬，將會捐畀「Operation Santa Claus」同生命小戰士會。
合唱團尋日大約唱咗5至6首歌，仲第一次有鼓手參與，雖然嗰度樓底咁高，其實都唔係太聽得清楚佢哋唱咩，不過氣氛就真係夠晒歡樂！