瑞士再保險亞洲健康解決方案主管Marianne Gilchrist同絲絲講，當新加坡人認為平均要廿七年先儲夠錢退休之際，中國人只想過用十七年做saving，仲預計可以早至58歲就退休，連Gilchrist都覺得佢哋想法最樂觀！坦白講，絲絲對呢個result一啲都唔出奇，因為中國人不嬲擅於儲蓄o架嘛！
儲蓄17年 夠用過世
令絲絲大惑不解嘅係，佢哋會覺得十七年嘅儲蓄，足以應付佢哋未來三十一年嘅開支，咁呢十七年一定要好努力先得，再諗深一層，咁咪即係話佢哋平均預計自己有89歲命？
講到呢度，絲絲發現自己超級港女，一有錢就身痕，雖然有排都未使為退休計劃頭痕，不過儲蓄呢個美德一定要學！