飛來飛去風塵僕僕
玖紙股東會比公關講嘅時間早咗半個鐘完，張總一坐低就同絲絲講，尋日先喺美國飛返嚟，依家又要趕去機場搭飛機走。雖然要做「空中飛人」，不過張總繼續以招牌笑容出現，可能同公司經營好轉有關。
佢話公司嘅低谷已經過咗去，雖然原材料價格仲有啲波動，不過銷售非常好，九月底後仲開始增加銷售價格，到依家為止累計加幅介乎每噸50至150元人民幣不等。
張總話公司嘅庫存好低，依家維持喺唔夠兩個禮拜水平，仲漏口風話第四季嘅盈利及毛利率都會好過上季添。不過佢就話暫時無收購計劃，依家要專注做好公司嘅盈利先！