喺幾個人事調動之中，比較為人熟悉嘅，相信係零售銀行及財富管理業務（RBWM）行政總裁郭兆德（Paul Thurston）喇。佢今年59歲，服務咗滙控37年，做到年尾就會榮休，享受退休生活。集團行政總裁歐智華主動「爆料」，話郭兆德兩年前已經諗住退休，但喺佢嘅挽留之下，先至「捱義氣」留低，幫手開拓RBWM業務。
反傳統跟太太姓
講開郭兆德，絲絲都有啲啲羨慕佢太太。何解？郭兆德個中文譯名原本係「方兆德」，後來佢娶咗位亞洲裔太太，就一反傳統，用咗太太嘅姓氏嚟幫自己改名添。
郭兆德離任之後，佢嘅職位將由范寧（John Flint）接任，Guilherme Lima就會接替范寧，出掌集團策略主管一職。