絲絲講場:「綠色」女電王

中國電力(02380)董事長李小琳每次出現嘅打扮都令人眼前一亮,尋日佢就着住一件綠色通花上衫配以國際名牌Chanel頸鏈,襯黑色鬆身西褲出席一個論壇,打扮利落得嚟又具有中國風,謀殺在場記者唔少菲林。佢又講到中國嘅新能源發電行業面對緊內外問題,風電、光伏對外就面對雙反起訴,內部局限於效率唔高同棄風等問題,佢呼籲同業一齊努力解決。