之前上海舉辦咗兩屆馬拉松，恒生中國都有派員參與，薛太一向鍾意做運動，之前亦有落場跑，今次都唔例外，佢仲完成咗5公里添。
員工鍛煉 公司捐錢
上海今年12月會再舉行馬拉松賽，恒生講明會繼續參與，絲絲聽聞薛太有機會再落場添。
講番今次廣州馬拉松，恒生中國嘅員工如果完成5公里或者10公里賽事，恒生中國就會向廣州市慈善會捐款，籌到嘅善款會用嚟幫助重症兒童。所以今次唔單只係運動咁簡單。
今次仲要係第一屆嘅廣州馬拉松，薛太都話好高興能夠參與，佢仲鼓勵啲同事積極參加唔同賽事，喺工作同生活之間取得適當平衡之餘，仲可以為慈善出力添。