內地十八大廣受市場嘅關注，大家好想知，新嘅領導班子嚟緊會有咩政策方向。由於暫時都唔會有咩新動作，所以絲絲聽Fund佬朋友講，佢哋呢排最熱門嘅話題，就係太陽能相關概念股信義玻璃（00868）主席長子李聖潑，娶咗其中一位新任中共政治局常委嘅千金。
不過，消息對信義玻璃股價好似無咩刺激咁，尋日都係要跟跌0.44%，至於嗰位政治局常委係邊位，不如你哋自己估吓！
李聖潑嘅父親，就係人稱「玻璃大王」嘅港區全國政協委員、信義玻璃主席李賢義。佢係原籍福建嘅大商家，娶新抱當然唔簡單。
聽聞第二個仔李聖根○九年娶網球名將晏紫時，就擺咗成百幾圍宴客。