「人幣三王」有錢難買
展覽除咗有清末民初中國銀行同外資銀行嘅鈔票之外，最特別嘅係中國人行第一套人民幣第一次公開展出，真係令絲絲大眼界！
今次展覽入面，展出咗人行第一套發行嘅人民幣入面最珍貴嘅十三張，其中號稱「人民幣三王」嘅「牧馬圖」、「蒙古包圖」同「瞻德城圖」三張鈔票，更盡入絲絲嘅眼簾，據現場嘅鈔票專家講，呢三張鈔票同屬「大名譽品」，加埋值成四百幾萬人仔，但係因為太珍貴嘅關係，就算有人肯出錢都未必有人肯賣咁話喎！
另一樣令絲絲好奇嘅係，咁貴嘅鈔票應該點樣保存好呢？嗰位專家就話其實方法好簡單，只要將佢哋入落PVC膠套，並放喺防潮箱入面，如果得閒想拎出嚟欣賞，只要用鉗輕輕挾住鈔票嘅邊就可以。