過去獲選嘅，○九至一一年度分別有港交所（00388）前行政總裁周文耀、聯交所前主席鄭維健同史美倫，而李業廣、利國偉爵士、鍾悟思同梁定邦等猛人都曾攞過。
香港證券及投資學會主席沐義棠讚揚沈聯濤係推動本港金融發展嘅重要人士，曾經創建香港按揭證券公司、完成港交所股份化、合併同上市、亦令香港通過咗《證券及期貨條例》。
證監中銀監世銀均做過
沈聯濤依家係香港經綸國際經濟研究院嘅總裁。除咗香港證監會外，佢曾喺多間著名機構做過，包括金管局、中銀監、世界銀行同馬來西亞國家銀行等。
香港證券及投資學會今年15周年紀念，金融市場巨頭都出席畀面派對，包括財庫局局長陳家強、新任證監會主席唐家成、港交所主席周松崗等。