信銀仲請咗喺翡翠界地位舉足輕重嘅歐陽秋眉教授，嚟教大家應該點樣欣賞翡翠。唔講唔知，原來翡翠喺清朝先傳嚟中國，全世界得五個地方先有出產，顏色除咗綠色仲有白色，而且絕咗種嘅翡翠先係最值錢，如果要投資呢，起碼值一球（一百萬元）以上嘅翡翠先會多人留意。
高級路線吸品味客
其實信銀國際呢幾年已經搞咗唔少類似嘅talk，講吓紅酒、當代藝術同名錶，正因為有品味嘅客多咗，除咗有內地人之外，有唔少仲係本地人，公司今年到依家嘅財富管理收入已經有超過兩成增長，嚟緊仲諗住開多兩間分行吸多啲客。
絲絲雖然好鍾意翡翠，但以依家嘅收入，買塊似樣啲嘅翡翠都好有難度！
余詩韻