留意經濟或金融市場的朋友都一定聽過「周期」這個術語，意思是無論經濟增長、油金股匯價格，都是有所循環，有上必有落，不會無止境向上，也不會無止境下跌。可惜，我們只知道周期的存在，卻很難準確計算，估頂、摸底變成金融市場內一件共同任務。
近日無意中重讀過去在這個欄目刊登的文章，發現過去幾年的十月份，都不約而同談及樓市，早在○九和一○年已慨嘆樓市高企上車困難，當時天價的樓市，今日比當天更加天價。這時只能再說一句，樓市也有周期，總不會無止境上升，必定有跌的一日，可是我無法知這一日何時來臨。
節錄○九年的一篇文章：「香港投資門路雖然多，但始終難保係咪一定跑贏樓市。最直接當然係炒樓，但有大筆錢炒樓就唔會上唔到車。最理想係搵樣保證追貼樓市升跌，又係小本入場嘅投資產品。例如投資『樓價掛鈎票據』，派息按樓市表現決定，或者買『樓價ETF』，基金價格跟住樓價走，又或者『樓價簿仔』，玩法如同銀行嘅黃金戶口。」
可惜以上投資產品只係想像出嚟，希望早日有呢啲「樓市衍生投資產品」出現。到時就唔怕樓市被炒。三年過後，這些幻想的產品仍未曾出現。
以下再節錄一段一○年十月的文章：「點解要置業呢？上星期施政報告後，我一直思考這個問題。有個安樂窩但揹上幾百萬元債務二十年，如何可以安樂。此時，你或數出千萬個無論如何也要『上車』的理由。我在想，樓價飛升除了內地資金推動，與港人義無反顧也要買樓又有沒有關係呢？」
重讀以上兩段文字，不知你有何感受，慶幸自己當年決定上車？還是後悔當年沒有置業？又或者仍為自己的財力擔心？無論如何，回望過去是要讓自己變得更強，每一段經歷都應有所得着。
大健
財務碩士畢業，投身財經記者行列數年，之後無論轉職歐資投行，抑或現任職英資金融機構，始終情繫中環，相信各有前因莫羨人。
微博：http://t.sina.com.cn/taikin