置地彭耀佳：CEO如大公關

「我哋有美好嘅傳統，做生意有保守思維，保守並唔係負面嘅嘢，保守令到怡和集團（置地的母公司）有超過180年歷史屹立不倒，而置地本身亦有超過120年歷史。」彭耀佳說。他笑言，目前世上有超過120年歷史的公司少之又少，部分是名字或品牌逾百年，但公司內部經已易手，置地能在香港「土生土長」逾120年，英式傳統的管理功不可沒。

小處如對員工衣着，公司都會有要求，如穿西裝一般都需要繫領帶，沒有現代IT的風氣；又如其中環總部內，雖然經過新裝修，但裝潢不會太過前衞，舊畫、古典桌椅、屏風等擺設在當眼處，提醒員工，公司有着優良傳統。

放大圖片

放大圖片

財政管理方面，憑藉擁有中環多幢核心商廈、商場的優勢，租金收入使置地現金流非常穩固，負債率低至12%。彭耀佳說：「我哋有十億美元現金，睇落好似好多，但一旦機會來到，例如好多時要買一幅地，都會用到三、四億美元，銀碼大，需要有大量現金去把握呢啲機遇。」他續稱，公司亦憑着優良的信貸紀錄，如要在市場上籌集巨額資金，相信很容易獲銀行或債券投資者支持。

引領「將軍」 管治新舊融合

彭耀佳於五年前登上置地行政總裁之位，之前他在怡和及置地系內的公司打滾多年，涉獵的業務包括汽車、餐飲、內地發展等多個範疇，熟悉怡置集團的文化及運作，認為集團「係講表現多過講種族」，而人事管理是推動公司向前的重要動力。

他表示，做人事管理猶如做公關公司，而作為CEO，更需要做一個大公關。彭耀佳說，公司內合作得最多的是內部各範疇的管理階層，他謙稱：「每位都係大將軍，我只係較為有幸坐到最高位置。」他說，要與管理人員合作愉快，首要令他們覺得受重視和受尊重。「令佢哋有感喺公司之內有權話事，有份參與。我就要喺背後motivate（推動）佢哋，支持佢哋嘅工作、鼓勵，或者係彌補佢哋嘅不足。」

遇到有「將軍」與自己意見不合，更要顯示公關的本事，不會「大石砸死蟹」。「適當時候要調節佢哋嘅意見，例如在佢嘅崗位睇到某件事應該要咁樣做，但我宏觀層面睇未必要咁樣行，就算我不接納他的意見，都要令他覺得舒服。」

「聯合國」 團隊 目標要一致

此外，置地雖然植根於香港，但業務延伸至亞洲多個地區，管理置地，就要有「跨國嘅mindset（心態）」。他說：「就算我哋董事局內都有唔同國籍嘅人，有美國人、英國人、加拿大人、加拿大嘅華人，要令他們團結、合作，要先了解唔同地方嘅人文化同背景。」

最後，彭耀佳歸納個人管理的心得，就是要將遠景（vision）清晰地向人表達，令所有人都人同此心，一同向目標進發。

記者：黃家俊

攝影：何天成