轉任友邦獨立非執董
話說友邦（01299）尋日公布，蘇澤光已經由非執董，轉咗做獨立非執董，主要係由於佢已經唔係瑞信嘅大中華區非執行副主席，因此就符合咗港交所第3.13條，有關獨立性嘅要求。
睇番個通告，原來蘇澤光係友邦唯一一個非執董，佢調任埋之後，成間公司已經冇非執董，但獨立非執董就增加至五個，包括上個禮拜至加入做獨立非執董嘅張震遠，一路有幫手嘅，仲有周松崗同埋秦曉呢兩位獨立非執董。根據公司管治原則，獨立非執董因為同公司完全冇關係，更能保障小股東嘅利益。
蘇澤光自○八年一月起已經擔任瑞信大中華區非執行副主席，蘇生今次淡出瑞信，只係做友邦嘅獨立非執董，每年袍金仲有21.5萬美元！