新光中心15分鐘閃買

代理45分鐘料賺佣6萬

世紀21置業薈點陳振文表示，上述新光中心1座中層B室，面積約502方呎，無裝修，前晚相約準買家首次睇樓，參觀約5分鐘後，買家主動自行與業主洽購，經10分鐘議價後，業主終減價4萬元，以304萬元成交，呎價約6,056元，過程約15分鐘決定入市，之後即場草擬臨約及簽約。

陳氏直言，入行以來從未見如此極速成交，當晚才首次見買家，由派卡片至完成交易後「握手」，過程只約45分鐘，相信是買家見單位位處單邊，加上現時鄰區鑽石山居屋龍蟠苑，樓價亦升至300餘萬元，故加快入市決定。是次45分鐘極速成交，有關代理料獲得佣金6萬元。

鄰區慈雲山單幢樓永發大廈，亦錄快速成交。世紀21富山黃澤龍稱，該屋苑高層8室，買家睇樓一日，深知細價樓渴市，即以約200萬元購入單位，呎價約5,797元。

居屋向隅客轉攻嘉湖

樓市續升溫，買家恐遲買更貴，遂加快入市，是市場頻錄極速成交原因。祥益黃肇雯稱，天水圍居屋樓價上升，如天盛苑白表價已追貼同區私樓嘉湖山莊，一名同區原居於公屋的準買家，原意轉購居屋，最終因居屋樓價急升，寧願轉投私樓。

上述買家前日才第一次睇樓，參觀嘉湖山莊翠湖居2座中層G室後，見業主願減價8萬元，兩小時內即決定落訂，以約300萬元入市，呎價約4,255元。

彩蒲苑新高呎價4566

縱使居屋樓價高企，但無阻買家入市熱情，金龍地產陳美寶表示，上水居屋彩蒲苑D座高層戶，面積484方呎，有買家睇樓一次後，第二日再睇即決定以約221萬元承接，平均呎價約4,566元，料創屋苑呎價新高。

此外，奧運站有睇樓一年睇樓客亦決定「唔再等」。香港置業鄭智恒稱，該名外區客見樓價不跌反升，近日終以約872萬元購入區內維港灣1座高層A室，呎價約9,943元。

樓價續升，利嘉閣稱，50個指標屋苑至八月底，平均呎價約7,031元，按月升約3.3%，而首八個月累積升幅約13.7%，其中屯門大興花園今年升28.6%最突出。

新光中心閃電成交實錄

單位：1座中層B室

售價：304萬元

呎價：6,056元

備註：買家約15分鐘決定入市，連簽約共45分鐘完成交易