「靈活工作」順便慳錢
喺印度提倡home office嘅銀行，包括渣打集團（02888）、花旗銀行、滙控（00005）同埋星展銀行，其中渣打就比較特殊，連長工都無特定座位㗎，該行仲形容呢種返工模式做「靈活工作」（Agile Working）添，遲啲全球嘅新寫字樓，或者辦公室翻新嘅時候，都會以「靈活工作」嘅概念做藍本咁話喎。
除咗員工鍾意喺屋企工作，公司都有唔少着數㗎，剩出嚟嘅地方可以出租，連啲零碎嘅開支，例如pantry嘅咖啡奶茶，廁所嘅廁紙都可以慳番。
絲絲就贊成香港效法印度推行在家工作， 不但可以增加同家人共聚嘅時間，更加重要嘅係，可以紓緩中環嘅塞車問題，仲唔係一舉兩得？