早排倫敦奧運令全球興奮，唔少人都好希望可以到場感受吓現場氣氛，不過之前見融創中國（01918）孫宏斌喺微博度話有人請佢去都無去，絲絲尋日見到孫總就同佢八卦吓點解啦。點知孫總話，雖然佢身為董事長，不過想公司做大，個人就要以身作則咁話，所以唔可以就咁走咗去唔理公司。呢個人稱「地產狂人」嘅孫總仲話，其實奧運有咩咁好睇，仲要老遠跑去，都唔知為咩！
查實孫總真係好愛公司o架，佢慨嘆話，由上市嗰時公司一年只做幾十億人仔生意，到咗依家一年做到幾百億人仔嘅合約銷售，業績每年都有增長，但可惜嘅係，公司股價都無咩起色，佢話主要原因就係——「肯定不是我們的原因！」。
佢明白好多同期上市嘅公司依家股價都仲潛緊水，不過佢話好似融創咁好又咁平嘅公司就得番佢哋一家o架咋，不過孫總相信，投資者會慢慢了解公司嘅情況嘅！