如無意外唔加價
佢哋嘅金漆招牌係維他奶同埋檸檬茶，羅生話未來發展大計係全力進軍樽裝飲品市場，食住檸檬茶條水，推出蜜糖檸檬茶、蜜糖菊花茶、蜜糖綠茶等。
柴米油鹽樣樣加，Larry反而畀咗個好消息絲絲，除非成本升得好勁，否則下半年產品都唔會加價。
羅生仲話，佢哋目前產品賣得都幾唔錯，由四月起到依家嘅銷售額比起舊年同期有低雙位數字嘅增長，亦即係話至少都升一成啦。
最近佢哋出咗蒸餾水廣告，為咗keep住下半年繼續有佳績，其他飲品嘅新廣告好快會出街，咁會唔會邀請明星做代言人呢？Larry話暫時未有呢個計劃，不過佢就好有興趣知道絲絲有咩好提議。