大鱷散戶齊齊中招
熔盛舊年四月公布收購全柴，糾纏咗一年幾，最終今年八月突然話經濟前景唔明朗，而撤回收購方案，仲強調因未得到中證監嘅批准，所以唔可以算係違約咁話。由於事出突然，唔少基金投資者同小股民都「中晒招」，就連蓋茨基金會都「輸鑊甘」，都咪話唔肉赤。
加上依家有股民喺全柴個通告入面睇到，熔盛舊年五月曾經向中證監披露話，「相關人員在本次收購發生前六個月內存在買賣上市公司股票的行為」，所以小股民先更加有理由去叫當局調查事件嘞。
不過絲絲都覺得大家唔係「輸打贏要」嘅，都只係想搞清楚個收購合約究竟有冇生效啫，要求相關部門將啲資料公開咁，所以當局都應該盡快有個交代，等成件事落幕。