由Google過檔Yahoo嘅靚女CEO邁耶（Marissa Mayer），加盟後果然有一番作為，軟硬兼施，剛柔並重！
為咗提高員工嘅士氣，佢決定一人送一部iPhone，而且全職同事去canteen食飯仲唔使錢添！聽落都覺得好筍，甚至覺得佢好有母性，不過呢個世界冇免費午餐。
話說Yahoo產品組最近帶咗個新產品同Mayer開會，邁耶睇完之後好鍾意，仲叫佢哋喺12月1日付運，呢組同事真係嚇到腳震，呢個deadline足足比佢哋自己估計嘅產品完成時期，早咗幾個月，點趕呀！最得人驚嘅係，邁耶表明，如果佢哋覺得自己唔可以喺deadline之前做到，佢就會搵過另一team有能力嘅人代替佢哋。
估唔到外表咁斯文，有「Google第一美女」之稱嘅邁耶要求咁嚴苛，追求快靚正！各位打工仔，記得凡事都要睇兩面呀！
余詩韻