歐豬國希臘本周會頻密地外訪債主，外圍觀望氣氛濃厚，就算A股昨日回升，滬綜指升11點，港股都脫不掉牛牛皮皮的悶局，恒指走勢跟周一相似，一度挫穿二萬點後，再拗腰回順，跌幅收窄至4點，主板成交增至429億元。
好淡互不相讓，牛熊街貨距離拉近，周一的牛證總街貨升至27.8億份，單日增加1.5億份，熊證同日街貨減少了3,810萬份至24.66億份，兩者只差3億份，重貨區域的街貨同樣是14至15億份，對後市的啟示作用不大。
不過，屈指一數，大市由八月六日挾升逾三百點後，橫行區呆滯了足足十二日咁多，唔少炒開指數輪或牛熊證的股友都要轉身玩吓個股輪。如此沉悶是否暴風雨前的一刻，真是好難講，不過，大家要有大市突行單邊的準備，因從技術走勢，橫行後出現突破，力度可以好強。
中海油（00883）業績令市場失望，股價下挫是必然事，但見到低位有支持，收市略回順。其實，中海油受蓬萊油田影響，何時復產未有確實時間表，收購nexen如何，又要繼續等待，相信短期會有一定波幅，相關窩輪人氣急升，成交按日增四倍，進取型股友不妨趁機在15元樓下開Call。
海油瑞銀購（14908）今年十一月十二日到期，行使價15.9元，實際槓桿12.9倍，引伸波幅約30%。
Handsome哥