接待海外員工非投機
包浩斯公關姐姐話，呢個消息有少少美麗誤會成分，嗰間屋其實係公司物業嚟嘅，主要係畀海外員工短住之用，唔係黃老闆嘅私人物業。
緣於早幾年，包浩斯啱啱打入台灣同內地市場，好多時都需要兩地員工嚟香港呢邊開會，之但係香港酒店又真係好貴，所以當時公司先諗住趁價格合理就買咗個德福花園單位，攞嚟做海外員工宿舍，等佢哋來港有地方落腳。
不過，隨住兩地業務逐漸上軌道，兩邊嘅人都唔使再飛嚟飛去，間屋嘅用途大減，所以就決定價啱時就賣咗佢。
公司仲強調，絕對冇投機成分o架，依家賺咗兩百幾萬，就當係一個意外嘅驚喜咁話。