內地公布七月進出口數據表現唔對辦，利豐（00494）中期核心盈利倒退，股價一度插水兩成二，睇到一班魚缸客好驚嚇。7隻利豐Call打入十大跌幅榜，撇除深入價外的，市場上買得到的利豐Call都係得十幾隻，唔算活躍，今次大跌的傷亡有限。
不過，上周五個別Call輪成交激增，不排除有進取股民乘機低位入市博一轉。其實，利豐是一間有百年歷史的老店，底子深厚，只是時不予我，復甦需時，長線如何，長線再算，輪場股民低位撈了貨，有水位最好先食胡離場，免得夜長夢多。
本港樓價再升，據地產經紀報料話二手市場有價有市，同一個單位被買家爭搶的情況又零星出現，真係估佢唔到。上周新地（00016）重登紅底股之列，追落後情況料繼續。不妨留意新地美林購（19060），今年十二月到期，行使價112.8元，實際槓桿12倍，引伸波幅約26%。
Handsome哥