英預測失業超兒戲
就咁聽落好似好兒戲咁，究竟Google有咩資料可以用嚟制訂政策呢？其實要制訂貨幣政策，央行需要收集好多唔同種類嘅經濟指標同數據，好似國民嘅收入、消費模式或者失業率等，最後先可以決定利率嘅水平。佢哋就係透過Google嘅數據，睇吓一啲關鍵字嘅搜尋次數，作為預測國家經濟環境嘅其中一個指標。
好似英倫銀行咁，佢哋喺上年六月發表嘅報告指出，在Google Search鍵入關鍵字「JSA」，即係英國嘅求職者津貼嘅搜尋次數，有助預測失業數據。而據絲絲所知，原來美國聯儲局，以至意大利、西班牙呢兩個歐豬國嘅央行都有用嚟幫助制訂政策o架！