啲人成日話女人擔起半邊天，身為女人嘅絲絲尋日睇到瑞信研究院嘅報告都好自豪。佢哋話國際間，市值100億美元（約780億港元）以上嘅上市公司，當中有女性董事會成員嘅，股價六年間跑贏「全男班」嘅董事會26%咁多，可能係因為混合兩種性別嘅管理層緩和咗投資風險，提高股本回報。
報告研究咗2,360間企業，指自金融海嘯於四年前爆發後，女性管理層存在與否嘅情況，同企業股價嘅相關性有所提高。
而有女性董事嘅上市公司一般少啲負債，而且冇咁鍾意冒險。其實自○五年開始，女性加入管理層好似成為咗新趨勢，大家都有玩嘅facebook（fb）之前亦受到批評，指公司管理層唔夠兩性多樣化之後，亦加入咗女性董事。
余詩韻