呢排內地不斷推出一啲惠民政策，最新就有傳會喺四個重大節日連埋啲連休日，都會免收高速公路嘅費用，仲話以後大家假日回鄉探親就唔使再畀公路費。不過，去機場必經嘅機場高速公路係咪免費，就交由各地嘅政府自行決定喇！
呢個消息係由國土資源部唯一嘅機關報《中國國土資源報》喺微博度發放，包括農曆新年、清明、勞動節同國慶節在內嘅四大節日都免收公路費。消息一出就引起網友嘅熱烈討論同關注，但唔少人對呢個好消息都半信半疑。不過，隨着江蘇省交通廳嘅負責人證實聽過呢個消息，仲透露話啲文件已經交咗上國務院等緊批。
消息人士仲話，個優惠措施最快會喺明年農曆新年前推出，等大家可以開開心心回鄉過年。
之不過依家初步只係諗住豁免七座位及以下嘅小型客車收費，大型客車同載貨車就並唔能夠喺呢個政策入面受惠。