絲絲尋日去渣打總行，望見渣打集團執行董事兼亞洲區行政總裁白承睿，佢嚟咗香港主持業績會，絲絲當然對佢會唔會等銀行一開門，即刻開番個人仔戶口好有興趣，但係佢就話成個朝早都同份業績搏鬥緊，未得閒開住。
企業戶口啱玩離岸人幣
至於非港人人仔戶口嘅市場反應，渣打香港行政總裁洪丕正（Benjamin）都同樣話要研究業績，未有詳細數據，睇嚟白承睿見完記者同分析員之後，都會急急腳去開番個人仔戶口，絲絲相信阿Ben都會好樂意幫佢手。
絲絲又諗深一層，阿Ben好可能已經一早向白承睿教路，早就幫佢開定間公司同埋個企業戶口玩離岸人民幣，對一個高薪厚職嘅銀行家嚟講，呢個方法應該最方便。