代理年底上500人
Camille同絲絲講，以前好多客都分唔清大新銀行（02356）同大新人壽，以為係同一樣嘢，依家大新人壽定位明確咗，唔單止易咗做生意，仲多咗大學生同資深代理過檔，大新人壽今年上半年已經請咗120人，代理總數增加到400個，諗住再請多百零人，希望年底規模去到500人。
大新人壽一直都有搵代言人幫手宣傳品牌，上年開始有林欣彤同黃金寶等，今年絲絲就主要見到林欣彤，黃金寶曝光率大不如前，Camille就大派定心丸，話今個月倫敦奧運開波，黃金寶一早去咗備戰，奧運完之後就會返嚟同大家見面。