前幾日絲絲上網聞到一陣火藥味，原來皇明太陽能集團嘅董事長黃鳴喺自己個blog發布咗一篇文章，內容竟然係想約馬化騰出嚟「單挑」！
事緣皇明集團申請A股上市嘅要求又被駁回，而且已經係五年內第三次，身為董事長又點會唔嬲吖，不過同馬化騰又有咩關係呢？黃鳴認為今次上市失敗嘅原因，主要因為傳媒喺坊間散播好多對集團不利嘅消息，而騰訊網嘅財經頻道喺19日就登咗一篇名為《皇明太陽能被陷害？》嘅文章，所以就揀咗馬化騰嚟「開火」喇。
呢封「挑戰書」嘅內容就話，黃鳴想邀請馬化騰進行一個「公開、公平嘅視頻單挑對話」，討論一下媒體潛規則、「買兇殺企」等話題，佢仲開咗幾個條件，要求有第三方監督同將視頻全國直播。黃鳴喺文中表示，要求對方要喺23日前回覆，否則就會單方開記者會咁話。
除咗單挑馬化騰之外，黃鳴亦開咗個記者會「群挑」全國媒體，直斥佢哋係製造遙言嘅罪魁禍首。絲絲都好想知道呢場「單挑」最後邊個會贏。
余詩韻