南美洲國家秘魯距離香港好遠，唔係咁多香港人去過，尋日佢哋嘅經濟財務部長嚟咗香港，仲專登去港交所主持敲銅鑼儀式，話希望可以帶挈港股反彈，佢敲完之後，個市的確彈咗一下，之不過，好快又係跌番轉頭。
訪港嘅秘魯代表團，除咗呢位叫Luis Miguel Castilla嘅部長之外，仲有交易所行政總裁Francis Stenning De Lavalle，咁大班人嚟香港，目的係嚟香港推廣當地嘅投資機會。
部長先生就話，由今年至2014年，秘魯嘅經濟增長預計每年會有6%，而當地嘅優勢產業就有礦產、能源、基建，同漁農等。
到底投資秘魯吸唔吸引，絲絲就唔識判斷，而佢哋暫時亦都冇啲咩實質計劃可以益下香港投資者。