《財富》雜誌嘅「世界500強排行榜」出籠，世界經濟雖然危機重重，但今年世界500強嘅總收入達29.5萬億美元，比上年增長咗13%，總利潤達1.6萬億美元，比上年增長了7%，入圍門檻都相應提高25億美元，達220億美元。
前三甲排位依次為殼牌石油（去年第2名）、埃克森美孚（去年第3名）及沃爾瑪（去年第1名）。排得最前嘅中國企業係中石化，排第五位。
中國（包括香港在內，不包括台灣）嘅上榜公司連續第九年增加，有73家公司上榜，比去年多12家。中國上榜公司數量再次超過了日本，僅次於美國嘅132家，創歷史最高紀錄。美國上榜公司則比上年減少了一家，亦係連續第10年減少。包括台灣在內，中國今年共有79家公司上榜。
民營企業都好巴閉，有5家上榜，分別係平安保險、江蘇沙鋼、華為投資，以及今年首次入榜嘅山東魏橋創業同浙江吉利控股。平保同吉利雖然排得好後，但排名大躍進，平保係由去年嘅328位上升到242位，吉利由688位躍升至475位。