歐洲國家盃熱潮席捲全城，花旗集團亞太區行政總裁卓曦文亦透過足球行善，率領公司員工落場踢咗一場慈善比賽。不過踢波係其次，籌款先係最緊要，佢哋仲攞咗個最高籌款隊伍獎添。
亞太區義工佔半
一排無見嘅環球個人銀行服務行政總裁及總經理盧韋柏（Weber）亦積極參與，Weber舊年啱啱做咗爸爸，可能佢對湊女特別有心得，所以揀咗去幼兒園，同一班天真可愛嘅基層兒童歡度周末。
嚟緊呢個星期六就係端午節，香港商業銀行主管郭炬廷就帶埋應節物品，四出探訪基層家庭。絲絲聽講，亞太區有超過5萬名花旗職員齊齊做義工，參與人數仲係全球第一。