絲絲尋日收到渣打（02888）一封邀請信，日期、時間、地點統統欠奉，邀請信嘅正中央得一個8cm×8cm嘅二維BARCODE，又幾盞鬼，搞咗一大輪先知道原來渣打即將要推出一個嶄新嘅銀行服務體驗，等客戶過吓癮。
佢地安排咗幾位阿head，包括個人銀行業務主管禤惠儀、東北亞區財富管理部區域主管江碧彤，同埋東北亞區有抵押產品區域主管陳占明，向大家介紹一下點樣用最新科技為客戶帶來最佳嘅銀行服務，咁多阿頭同場表現，證明佢哋好重視呢項服務。
其實，絲絲聽聞渣打一直走在科技嘅尖端，又係蘋果公司嘅忠實粉絲，公司上下都用iPhone、iPad溝通。
另外，佢哋網頁仲有一個名為「Breeze」嘅手機應用程式可以免費下載，可以用嚟轉帳、繳付帳單等，隨時隨地都可以處理帳目，真係方便！